O cribado realizado en Vilanova de Arousa esta semana serviu para detectar catro positivos por covid-19. Segundo detallou a xerencia da área sanitaria, as probas realizáronse no pavillón municipal entre o mércores e o venres e permitiron confirmar catro positivos que equivalen a un 0,30% das mostras analizadas.
E é que participaron nas probas 1.348 persoas, o que supón o 71,59% dos convocados, que eran todos os veciños co tarxeta sanitaria activa nos centros de saúde do municipio de entre 50 e 65 anos, que suman 1.883.
Para realizar o cribado, a área sanitaria de Pontevedra e O Salnés contou con dous equipos de enfermería por quenda, que efectuaron tarefas de control e cumprimento das medidas de seguridade, realización e procesado das tomas de mostras nasofarínxeas e achega de información aos usuarios.
