O Xulgado de Instrución número 3 de Cambados decretou a posta en liberdade sen fianza do detido en Sanxenxo logo dunha espectacular persecución.
O sospeitoso está investigado por presuntamente cometer dous delitos de estafa, un delito de atentado contra axentes da autoridade, condución temeraria, danos en vehículo, apropiación indebida de vehículo e usurpación de estado civil.
A titular do Xulgado de Instrución número 3 de Cambados inhibiuse a favor do Xulgado de Instrución número 2 de Cambados en relación a unha presunta estafa, atentado contra axentes da autoridade, condución temeraria e danos en vehículo cometidos o 19 de xaneiro en Sanxenxo; a favor do xulgado que estaba de garda en Caldas en relación a unha presunta estafa nunha estación de servizo sucedida o día 12 de decembro; e a favor do xulgado que estaba de garda en Vilagarcía en relación a unha presunta apropiación indebida de vehículo e usurpación de estado civil sucedidos o 5 de xaneiro.