A Garda Civil ha detido a catro persoas vinculadas a un roubo relacionado co tráfico de drogas nunha casa de Ribadumia. Os feitos tiveron lugar en decembro de 2018, de madrugada. Dous homes supostamente armados con pistolas e encapuchados accederon pola forza a unha vivenda, onde agrediron e maniataron a dúas persoas que se atopaban no seu interior.

Os asaltantes suxeitaron con bridas ao morador e a un amigo seu, para apoderarse de diñeiro, xoias e outros obxectos de valor. Posteriormente segundo o relato exposto, unha suposta victima conseguiu soltarse das súas ataduras e alertar aos servizos de urxencias. Unha vez en liberdade, foron trasladados a un  centro hospitalario, onde foron atendidos por lesións de diversa consideración.

A investigación foi asumida polo Equipo de Policía Xudicial da Garda Civil de Cambados, que realizou unha inspección ocular. A partir dos diferentes indicios no lugar dos feitos, sumados ás incongruencias e contradicións na declaración, confirmaron o posible participación nos feitos dun dos homes atacados e unha amiga de ambos e principal testemuña. 

A investigación desenvolvida no marco da operación Cristal Difuso determina que a citada vivenda supostamente asaltada, puidese ser utilizada para o tráfico de droga, culminando coa detención do seu morador, e coa aprehensión de diferentes cantidades de cocaína. 

Tras unha profunda análise de todos os datos obtidos na complexa investigación, os investigadores determinaron que  unha suposta vítima a priori testemuña, e aos outros dous homes, executando un plan preconcibido, desprazáronse ata o domicilio citado, co obxecto de roubar a droga que puidese atoparse no seu interior, simulando un roubo común.  Con ese obxectivo, a suposta vítima accedeu en primeiro lugar á vivenda, valéndose da súa amizade co morador, facilitando a entrada  aos dous supostos autores materiais do roubo.

Identificados os asaltantes, que xa reunían antecedentes policiais por roubos con violencia e intimidación e secuestros, procedeuse á localización e detención dos catro participantes nos feitos, todos eles residentes na provincia de Pontevedra e de idades comprendidas entre os 20 e os 30 anos.

Esta práctica de roubo de droga entre persoas e organizacións dedicadas ao tráfico ilícito de drogas coñécese como “envorco”. A operación foi desenvolvida polo Equipo de Policía Xudicial da Garda Civil de Cambados, baixo a dirección do Xulgado de 1ª Instancia e Instrución Nº 3 da mesma localidade.