Segundo informou o Instituto Armado, os feitos sucederon na tarde do pasado sábado nunha céntrica rúa da localidade. Mentres que un dos autores permanecía no exterior o outro accedeu á vivenda, para o que forzou unha fiestra, abundaron as mesmas fontes.
Xa no seu interior foi sorprendido por un dos seus moradores que, "ao sentir ruídos dirixiuse a devandita estancia", sinala a Benemérita, e encarouse co asaltante, o que propiciou a fuga a pé pola mesma fiestra pola que accedera, non sen antes apoderarse de dúas neceseres en cuxo interior portaba 150 euros en efectivo e efectos persoais.
"A celeridade do dispositivo de procura establecido pola Garda Civil xunto coa Policía Local da vila permitiron a localización dun dos fuxidos, séndolle intervidos nun rexistro superficial parte dos aveños subtraídos", destacou o Instituto Armado.
As xestións realizadas con posterioridade permitiron a identificación do segundo individuo e a súa detención na tarde do pasado domingo.
As dilixencias foron remitidas ao xulgado de garda de Cambados ante o que terán que presentarse os detidos cando sexan requiridos.
