A Audiencia Provincial de Pontevedra acollerá esta semana o xuízo contra un individuo acusado dun delito de lesións, logo de empuxar, primeiro, e agredir, despois, de forma brutal, a un mozo, en feitos ocorridos no interior dun pub de Vilagarcía de Arousa en 2018.
Como consecuencia dos golpes sufridos, a vítima sufriu, entre outras lesións, a fractura da mandíbula e de varios dentes. Por iso, o Ministerio Público pide para o acusado unha pena de catro anos e medio de cárcere e indemnizacións de máis de 22.000 euros para o mozo que resultou agredido.
