Unha muller foi excarcerada este luns en Sanxenxo tras envorcar co seu vehículo na vía rápida do Salnés, á altura do cemiterio de Noalla.
O 112 informa de que ata o lugar desprazáronse efectivos sanitarios e do GES de Sanxenxo, que liberaron á muller, unha tarefa na que tamén prestaron colaboración os Bombeiros de Ribadumia. Foi necesario retirar unha das portas do turismo para evacuar á ferida.
Unha vez liberada, persoal do 061 trasladou á muller nunha ambulancia ata o centro hospitalario de referencia. O accidente ocorreu pasados uns minutos das 07.30 horas e foi necesario que persoal de mantemento de estradas procedese á limpeza da calzada.