Un millón de euros. Ese é o premio que algún afortunado conseguiu o pasado venres cun boleto de El Millón –asociado a EuroMillones– validado na administración de Lotería número 4 de Vilagarcía. Sen embargo, ata o momento, todavía se descoñece a identidade do premiado.
"Normalmente é difícil que o saiban directamente a través deles, porque adoitan vir a mirar o código", declararon ás cámaras da TVG desde a administración vilagarciana. Iso si, pode suceder que "ao enterarse de que hai un premio –o afortunado– xa o consultara, entón xa non aparecería por aquí".
De calquera forma o anuncio do premio, único en toda España, espertou a expectación de toda a vila e provocou o interese dos vilagarcianos pola cuantía a percibir.