Unha muller resultou ferida este sábado logo de caer por un desnivel duns seis metros de altura nunha zona de difícil acceso próxima á praia de Lavaxeira, no municipio do Grove.
Un familiar alertou do ocorrido ao 112 sobre as 10.45 da mañá, que mobilizou ao 061, Bombeiros de Ribadumia, Protección Civil do Grove, ao GES de Sanxenxo, á Garda Civil e á Policía Local.
Os efectivos desprazados rescataron á muller, que foi evacuada nunha padiola ata o lugar onde estaba situada a ambulancia e trasladada a un centro médico.
