Un home de mediana idade resultou ferido de bala nunha rifa que tivo lugar na noite do venres no aparcadoiro situado nas inmediacións do bar O Champurro, na parroquia de Aralde de Vilagarcía de Arousa.
Diso informaron a Europa Press fontes da investigación, que explican que o estado do ferido, que permanece ingresado no Hospital Clínico de Santiago, é grave pero que evoluciona favorablemente.
As mesmas fontes sinalaron que a Policía Nacional iniciou unha investigación para dar co autor do disparo, que abandonou de forma inmediata o lugar nun vehículo. Polo momento descoñécense as causas que motivaron a liorta.
