Os servizos de urxencia prestaron asistencia na madrugada deste xoves ao condutor dun camión de recollida de lixo que resultou ferido ao envorcar o vehículo en Cambados. Segundo a información do CIAE 112-Galicia, o suceso ocorreu sobre as 3.10 horas da madrugada, cando circulaba pola VG-4.3 á altura de Corvillón.
Ata a zona foron mobilizados os Bombeiros do Salnés, a Garda Civil de Tráfico, Protección Civil e persoal de mantemento de estradas. Tamén se desprazou persoal sanitario do 061, que trasladou ao ferido a un centro hospitalario.