O GDR ultima o deseño dos proxectos para levar a cabo no próximo bienio

O presidente do Grupo de Desenvolvemento Rural (GDR) Salnés-Ulla-Umia e alcalde de Pontecesures, Juan Manuel Vidal Seage, mantivo a primeira reunión presencial coa directora xeral de Agader, Inés Santé, para comentar os retos da próxima convocatoria de axudas, correspondente ao período 2021-22.

Finalizado o ciclo comprendido entre os anos 2014-2020, a Consellería de Medio Rural dota con case 270.000 euros aos GDR para funcionamento interno e o financiamento de actividades destinadas á difusión do programa Leader para os próximo anos, tal como figura no documento adxunto ao convenio dá xestión do mesmo, e que foi asinado o pasado mes de decembro.

Agora chega o momento de pechar entre a Consellería e os 24 GDR articulados en Galicia a nova convocatoria de axudas bianual, a asignación de fondos para cada grupo, o calendario de actuacións que levarán a cabo na execución dos proxectos a subvencionar e a tipoloxía das iniciativas que terán cabida.

A previsión inicial é que a nova convocatoria permaneza aberta durante os meses de marzo e abril. O GDR espérase que sexa dotada de fondos suficientes para atender todas as solicitudes que foron presentadas polos municipios das comarcas do Salnés, e Ulla-Umia.

Dos fondos que foron inicialmente asignados para o período entre os anos 2017 e 2020 destináronse case tres millóns de euros a subvencións destinados a proxectos que deron lugar a un investimento repercutido na comarca de 9,9, e a creación e o mantemento do emprego para 240 persoas, subliña o GDR Salnés-Ulla-Umia.