Un incendio causado por un curtocircuíto no interior dun barco que se atopaba nunha rampla de reparación en Vilanova saldouse con danos materiais, pero sen persoas feridas, segundo informou o 112-Galicia.
O 112 recibiu a alerta do incendio sobre as 21,45 horas a través dos Bombeiros de Vilagarcía, e mobilizou a efectivos de Urxencias Sanitarias de Galicia-061, Bombeiros de Ribadumia, Protección Civil de Vilanova, Garda Civil e Policía Local. Tamén se informou do sinistro a Salvamento Marítimo e o servizo de Gardacostas de Galicia.
O lume orixinouse por mor dun curtocircuíto no interior dun barco de batea que estaba varado nunha rampla de reparación no embarcadoiro de Vilanova de Arousa. As chamas afectaron á zona da instalación eléctrica do motor principal do barco e á ponte, pero ningunha persoa resultou ferida.
