En canto ao tipo de intervención, no que destacaron os incendios, gran parte debeuse tamén a actuacións en situacións de riscos, ata un total de 99 casos en 2020. Os accidentes de tráfico provocaron a intervención do servizo en 44 ocasións, e tamén participaron en 25 rescates, entre outras actuacións. Do total de 432, rexistráronse 47 menos que en 2019. Neste sentido, as restricións de mobilidade reduciron a taxa de accidentes de tráfico, que normalmente encabezaban a listaxe de intervencións. Segundo reflexa o balance, da semana, os mércores e venres son os días nos que se rexistrou un maior número de incidencias, con 76 e 66, respectivamente.
O ano pasado, Emerxencias rexistrou a maior taxa de intervención en riscos provocados polos temporais, nun inverno especialmente marcado pola choiva, cun total de 125 accións neste ámbito, seguidas das 102 intervencións en incendios, que este ano aumentaron a súa taxa.
ASISTENCIAS COVID. A pandemia obrigou a orientar o servizo á atención de persoas que necesitaron illamento, coa realización das compras de alimentación ou farmacia, retiradas de residuos, distribución de máscaras ou incluso a repartición de material educativo ás distintas familias durante o confinamento, unha circunstancia á que Emerxencias tivo que adaptarse en 2020, rexistrando un total de 1.169 asistencias deste tipo
GESPARQUE. Outra novidade no ámbito de Emerxencias de Sanxenxo en 2020 foi a posta en funcionamento da aplicación Gesparque, que recolle as necesidades e os parámetros cos que traballa un parque de bombeiros, como o inventario de material ou a elección da mellor ruta para acudir a unha urxencia.
