A inmobiliaria Avintia iniciou as obras dunha nova promoción de vivendas en Portonovo, no municipio pontevedrés de Sanxenxo, que suporán un custo de 6,5 millóns de euros e que calculan que creará sobre 100 postos de traballo, entre directos e indirectos.
Segundo un comunicado da empresa, trátase de 33 vivendas de 1, 2 e 3 dormitorios xunto á Praia Canelas. Pretende entregalas no terceiro trimestre de 2020.
A inmobiliaria Avintia sostén que hai demanda de obra nova na costa pontevedresa, unha zona que ve "á alza" e que subliña que "aspira a converterse nun destino turístico referente todo o ano".
