Os alumnos e alumnas do CEIP Portonovo terán que esperar ao luns para iniciar o novo curso escolar. E isto destapou as críticas dun grupo de nais e pais, que ven nesta actuación unha falta de coordinación. E é que o colexio está a ser escenario dunha reforma integral, que xa se anunciou hai uns meses.
Con todo, tras a visita da xefatura territorial de Educación ao centro, xunto coa unidade técnica e a edil Paz Lago, decidiuse pospor o inicio das clases, polo momento, ao luns.
