A Mancomunidade do Salnés desprazouse a San Petersburgo para presentar o destino Galicia e O Salnés a máis de 60 operadores turísticos de Rusia.
A delegación da comarca do Salnés, encabezada polo presidente da Mancomunidade, Gonzalo Durán, e da que tamén forma parte o alcalde de Rubadumia, David Castro, promocionará diferentes produtos turísticos como a Variante Espiritual e a Ruta do Pai Sarmiento.
Estes forman parte dunha guía con paquetes pechados para o conxunto de Galicia, dentro da campaña internacional Conoce España, descubre Galicia, Visita O Salnés.
Nun comunicado, a Mancomunidade do Salnés informa de que as axencias de viaxe rusas están interesadas en coñecer o destino persoalmente para ter un maior coñecemento dos recursos e produtos da comarca.
