A conselleira do Mar, Rosa Quintana, presentou este martes un plan cunha "proposta intermedia" entre os sectores enfrontados de mexilloeiros e percebeiros para tratar de atallar o conflito que protagonizan nas últimas semanas.
Nunha reunión en Vilagarcía con representantes dos bateeiros e de representantes das federacións de confrarías, Quintana trasladou un plan que pasa
A titular de Mar sinalou que confía en que "tanto os representantes do sector bateeiro como os dos percebeiros acepten esta proposta, reine a paz e poidan convivir como levan facendo toda a vida, respectando os dereitos duns e doutros". "Porque Galicia non se entende sen ningún destes sectores", deixa claro.
Así, concédese unha prórroga durante todo o mes de xuño para que aqueles bateeiros que aínda non teñan cuberta a súa demanda de mexillón poidan facelo de xeito excepcional nas zonas non protexidas.
O plan que a Administración autonómica puxo este martes sobre a mesa contempla a limitación de 50 quilómetros da costa de Galicia exclusivamente para a extracción do percebe. Con esta medida, sinalou Rosa Quintana, "preténdese preservar as zonas máis sensibles" para a recollida deste crustáceo.
Para Rosa Quintana, a proposta presentada este martes "é moi equilibrada", tanto para preservar un recurso moi importante como é o percebe, como para que os mexilloeiros poidan dispor da cativa de mexillón necesaria para os seus cultivos.
MEDIDAS PARA UN AÑO COMPLICADO. A titular de Mar valora que esta medida "vén reforzar as outras liñas de traballo" que a Consellería puxo a disposición do sector bateeiro, nun ano complicado para ambos os sectores, "xa que non hai abundancia de mexillón" e "como consecuencia do covid-19 os percebeiros non puideron ir traballar".
Entre esas outras medidas decretadas pola Administración autonómica figuran o permiso excepcional para que as bateas poidan pór 50 cordas máis a maiores das 100 que se lle autorizan todos os anos, así como a posta a disposición dalgúns espazos portuarios para que tamén alí poidan extraer fazula.
