Tres menores resultaron feridos nunha colisión múltiple entre tres turismos rexistrada no concello de Vilagarcía de Arousa.
O suceso rexistrouse sobre as 16.00 horas, na Rúa Pablo Picasso, segundo informaron efectivos de Protección Civil ao 112 Galicia, que solicitaban asistencia para os ocupantes dos vehículos.
Unha vez no lugar, os equipos de intervención confirmaron ao 112 que, finalmente, os menores feridos foron evacuados polo servizo sanitario de urxencia ao centro hospitalario de referencia.
