A pesar de que novas disciplinas empecen a abrirse paso polo sector dos deportes acuáticos, o que quizais poida ser o máis antigo de todos eles, prevalece nas costas sanxenxinas.
O surf foi o deporte do que xurdiron actividades como o paddle surf ou mesmamente o Wakeboard e pese que poidan estar máis de moda certas disciplinas, segue habendo un sector ben arraigado de surfeiros que opinan que as costas galegas son as mellores nas que poder practicar. é o caso de institucións como Prado Surf que leva 25 anos nos areais de Sanxenxo impartindo clases, ou ben Mission Surf School, ambas as escolas parecen ter a mesma opinión sobre as praias desta zona.
''Son varias praias as que ofrecen boas ondas, pero como sempre temos as xoias da coroa, Montalvo e en segundo lugar A Lanzada''. Estas declaracións dos monitores de Prado surf deixan poucas dúbidas sobre a calidade da costa nas Rías Baixas. ''Montalvo conta cun nivel medio-alto, aínda que pode servir como praia de iniciación'' explican que as condicións climáticas perfectas para facer surf son días con apenas vento, ou ben que este sexa moi suave en dirección ao mar. Cada praia é diferente e por suposto ten as súas peculiaridades, en concreto a praia de Montalvo caracterízase por unha onda rápida con bos tubos, marea baixa e ventos do nordeste. ''Se se quere sentir o Atlántico en estado puro a 25 minutos da cidade de Pontevedra esta é a vosa praia''
A Lanzada ofrece surf para todos os niveis tamén, e case con calquera marea pódese practicar relajadamente, aínda que cando sopra o vento a estrutura da praia fai que a ondada sexa moi violento e sexalles imposible aos principiantes ter unha boa experiencia co deporte.
