A situación económica da familia Faria-Tinoco de Portonovo, que os obrigou a pedir axuda publicamente hai uns días, chegou ata o coñecido músico británico James Rhodes. Ademais de pronunciarse a través das súas redes sociais demandando axuda institucional, inmediatamente púxose en contacto coa familia, para ofrecerlles cubrir os seus gastos de aluguer durante seis meses.
Na tarde deste xoves fixo efectiva unha doazón de 2.000 euros, e mostrouse "moi feliz de axudar en todo o que poida, especialmente tendo en conta a situación actual".
Rhodes asegurou non entender "por que as institucións non toman máis partido nesta cuestión".
Sr @FeijooGalicia (en caso de que no hable gallego), una respuesta a esto sería atento. Por favor. Estoy en contacto con la familia pero necesitamos su ayuda.
— James Rhodes (@JRhodesPianist) December 3, 2020
Tras coñecer a familia por vía telemática, Adrián puido trasladar ao afamado músico a súa admiración, pois chegou a bailar tango cos vídeos das súas redes. A familia agradeceu "sinceramente" a Rhodes todo o seu apoio.
