O Náutico de San
O Náutico contará desde este venres cunha zona gastro desde a que o cociñeiro ofrecerá algúns dos pratos máis emblemáticos e estivais do seu restaurante compostelán. "A idea é crear un corner, a modo dunha terminal de La Radio, para que a xente que veña aos concertos ou á praia, poida petiscar algo de xeito informal", explica Solla.
Cociñeiros invitados
Pepe Solla será o cociñeiro residente da zona gastro do Náutico pero ocasionalmente invitarase a outros cociñeiros, tanto locais como foráneos, para que elaboraren un ou dous pratos de autor que ese día se sumarán á carta.
Ademais, a zona gastro funcionará en modo de servizo delivery. O público deberá coller alí os seus pratos e levalos despois á mesa na que estean situados ou incluso á praia. Todos os servizos que se utilicen serán desbotables pero sostibles, xa que serán de material 100% compostable.
Durante os meses de xullo e de setembro, o servizo gastro do Náutico estará dispoñible os venres noite, sábados e domingos, mediodía e noite. Durante o mes de agosto, funcionará todos os días en horario de mediodía e noite.
