O Concello de Sanxenxo desvelou este xoves os emolumentos que cobrarán os dez integrantes do goberno municipal. A contía total ascende a 276.000 euros, o que supón un aumento de 33.000 euros con respecto ao cuadripartito que se formou en 2015.
Ademais, tamén hai moita diferenza cos 193.500 euros que se investían nas nóminas dos dirixentes durante os dous anos de pacto entre o PP e SAL.
Telmo Martín pasará a cobrar 48.600 euros, fronte aos 30.000 euros asinados en 2017. Ademais, haberá tres dedicacións exclusivas, a razón de 30.600, e seis parciais (22.600 euros). Ademais, as asistencias ás sesións plenarias pagaranse a razón de 190 euros por concelleiro, mentres que a cota correspondente ás comisións informativas será de 90,15 euros.
