Un grupo de golfiños foi gravado este venres ao seu paso por Sanxenxo. A Taberna do Náutico da localidade colgou as imaxes no seu perfil de Facebook e as reaccións dos usuarios non se fixeron esperar.
O espectáculo é digno de admirar tanto polo elevado número de golfiños que pasan tan preto da costa como pola velocidade que alcanzan. Ademais, os seus saltos por encima da auga fan aínda máis vistoso o paseo que se dan os animais. Estes mamíferos cada vez se pasean con maior frecuencia pola costa de Pontevedra.
