O proxecto de remodelación da Casa O Priorato, situada en Arra (Sanxenxo), entra na súa recta final. Na mañá do martes deron comezo os traballos correspondentes a última fase das obras, motivo polo cal o alcalde, Telmo Martín realizou unha visita ao lugar. Esta intervención teñen un orzamento que ascende a 170.400 euros.
Os labores que serán realizadas durante as próximas semanas consisten no revestimento de chans, paredes e teitos. No apartado correspondente á fontanería está incluída a instalación a súa instalación, tanto de auga fría como quente, que será executada utilizando para iso tubaxes de polietileno reticulado ou outro material que garanta unhas prestacións similares.
Saneamento e a evacuación de augas fará necesaria unha rede que será construída mediante tubaxe enterrada de PVC, coas correspondentes arquetas a pé de cada bajante de paso e de rexistro, e a evacuación das mesmas disporá dun sistema separativo de pluviais e residuais.
No proxecto tamén se inclúe a electricidade, a iluminación, a instalación de telefonía e de televisión. O sistema de ventilación da Casa do Priorato será híbrido e para a calefacción serán usados radiadores de aluminio.
Esta intervención permitirá converter este emblemático inmoble nun centro sociocultural para uso e goce de todos os veciños de Arra, preferentemente, pero tamén estará a disposición do resto dos sanxenxinos.
Co orzamento aprobado para facer posible a fase final do proxecto, e as dúas que foron executadas anteriormente, o investimento realizado nesta iniciativa ascende a 399.000 euros.
