Máis de 200 persoas tomaron parte este venres nunha nova edición do Foro de Innovación da Formación Profesional da Automoción, unha iniciativa que cumpre xa oito anos de vida e que cada ano atrae a un maior número de profesionais do sector. Nesta ocasión, acudiron a Sanxenxo representantes de diferentes centros educativos e de empresas vinculadas á área de automoción. Ademais de charlas e relatorios, que se desenvolveron no auditorio do Pazo Emilia Pardo Bazán, as instalacións do IES Vilalonga acolleron diferentes actividades e bloques prácticos, nos que os asistentes puideron comprobar de primeira man como evolucionan os vehículos e familiarizarse coas súas características e o seu uso. Así, os coches do mañá anticipáronse ao futuro na vila turística do Salnés.
O encargado de inaugurar a xornada foi o alcalde en funcións, Telmo Martín, que expresou a súa satisfacción polo feito de que Sanxenxo acolla un evento destas características. Con respecto aos relatorios, versaron sobre híbridos de última xeración, a mobilidade sostible a través da utilización do Autogas GLP e charlas sobre mobilidade e seguridade viaria. Ademais, un dos grandes reclamos da cita foi