Dúas persoas feridas de prognóstico leve é o balance dunha colisión entre o mesmo número de vehículos rexistrada pouco antes das cinco da madrugada deste sábado na Vía do Salnés ao seu paso polo municipio de Meis. As vítimas viaxaban nunha furgoneta que quedou envorcada e sufriron contusións en varias partes do corpo e foron trasladadas a un centro sanitario de Pontevedra. No operativo participou Protección Civil de Cambados e a Garda Civil de Tráfico.
Unha hora despois, un incendio destruíu un anexo a unha vivenda, de reducidas dimensións, usada como comedor, na parroquia de San Vicente de Nogueira (Meis). O lume tamén calcinou unha furgoneta que se atopaba cerca. Non houbo feridos. Bombeiros do Salnés participou no operativo de urxencia.
