A colisión de tres vehículos rexistrada a última hora da tarde deste mércores saldouse con dúas persoas feridas no municipio de Meis.
Segundo informou o 112 Galicia, pouco antes das 20,00 horas un particular avisou ao servizo de urxencias dun accidente de tráfico con tres coches implicados na estrada PO-531, ao seu paso polo concello de Meis, na parroquia de Paradela.
Por parte do CIAE-112 Galicia puxéronse os feitos en coñecemento dos servizos sanitarios, dos Bombeiros de Ribadumia, da Garda Civil de Tráfico, así como de Protección Civil de Meis.
Posteriormente, o equipo de Urxencias Sanitarias desprazado ata o punto confirmou que dúas persoas ían ser trasladadas a un centro hospitalario.
Para rematar, os xestores do Centro Integrado de Atención ás Emerxencias de Galicia solicitaron a intervención dos servizos de mantemento da estrada para restablecer e garantir as condicións de seguridade da vía.
