Novas análises confirmaron que a praia de Baltar xa non rexistra a contaminación microbiológica anunciada a principios de semana, polo que o Concello de Sanxenxo decidiu retirar o aviso de que non é recomendable para o baño.
Non sucede os mesmo cos areais de Cañeliñas, Panadeira e Nanín, que manteñen a recomendación de non introducirse nas súas augas despois do resultado das análises realizadas por Sanidade. A hipótese probable é que a contaminación se deba a un arrastre polas choivas, polo que pronto debe volver a normalidade a estas praias.