A edil de Podemos-Marea dá Vila María da O Fernández González pediu explicacions á voceira do grupo municipal socialista, Tania García Sanmartín, sobre as súas argumentacións achega da retirada da cruz franquista da fachada da igrexa durante o último Pleno sobre as que, argumentou, "xa nos pareceron incongruentes, pero, agora, a Dirección Xeral de Patrimonio contradí a súa versión". Neste sentido, explicou Fernández González, a socialista "afirmou que existia un proxecto, dixo textualmente , é de febreiro de 2020 e distinto do anterior. Envíamolo a Dirección Xeral de Patrimonio para que dera o visto bo", algo que, asegura, agora "desminte Patrimonio"
Pola súa banda, García Sanmartín contestou este xoves ás acusacións asegurando que "faltar á verdade é o que fai ela cando pon na miña boca palabras que eu nunca dixen. Non sei se o fai porque cando acode aos Plenos non presta atención ao que se di neles, ou máis ben porque mentir é a única forma que ten de facer política". Deste xeito, quixo aclarar que "no debate sobre as xestión para a retirada dáacruz, o que eu realmente dixen, co documento na man que así o atestemuña, foi que o proxecto elaborado para a actuación se rematou en febreiro de 2020, xusto antes do confinamento. Nunca me referín á data de remisión do mesmo a Patrimonio, que é o que a señora Fernández pon na miña boca, para poder acusarme de mentir".
Neste sentido, García Sanmartín quixo aproveitar a ocasión para manifestar o "malestar do Goberno local co xeito de proceder que tivo a Dirección Xeral de Patrimonio, da que este Concello aínda non tivo comunicación algunha sobre a resolución adoptada en relación á actuación na igrexa de Vilagarcía".
