O Sergas, coa colaboración do Concello de Sanxenxo, realizará este xoves e venres na Sala Nauta un novo cribado voluntario para a detección do coronavirus ao que vai convocar, vía SMS, a 3.500 habitantes de entre 15 e 39 anos.
A PCRs nasofaríngeas realizaranse entre as nove e as dúas, en horario de mañá, e entre as 4 e as nove, pola tarde. O obxectivo destas probas é detectar portadores asintomáticos para, así, reducir a cifra de contagios.
Dous equipos de enfermería por cada quenda realizarán as tarefas de control e toma de mostras.
