O Concello de Sanxenxo aspira a contar no futuro cun hotel 5 estrelas, o primeiro destas características no municipio. Así o anunciaron este venres os responsables do Hotel Augusta Spa Resort, aproveitando un acto organizado para conmemorar os 20 anos desde a inauguración deste establecemento de 4 estrelas.
Á cita non faltaron varias personalidades, como o alcalde, Telmo Martín, ou o delegado territorial da Xunta de Galicia en Pontevedra, José Manuel Cores Tourís.
A día de hoxe, Sanxenxo conta con catro hoteis de 4 estrelas. Ademais do Augusta, están o Hotel Carlos I Silgar, o Hotel Nayef de Canelas e o Hotel Sanxenxo e o Galatea, este último na parroquia de Adina, á altura de Paxariñas.
