"Aínda que nos gustaría estar na rúa celebrándoo e desfrutando, este ano toca facelo dende a casa, pero non por iso é menos entretido. Damos as grazas a todas as persoas participantes que nos sacaron un sorriso mostrando a faceta máis desinhibida e divertida", expoñen os organizadores do Concurso Confiparodias Feito na Casa, celebrado en Sanxenxo, cuxo xurado desvelou este domingo a relación de galardoados dun evento desenvolvido a través das redes.
En categoría infantil, modalidade individual ou parella, o premio único outorgado polos membros do xurado, de 100 euros corresponde a Cansadiños do coronavirus. O primeiro foi para La Familia Mármol, con 157 votos, o segundo lévallo Dous paiasiños no entroido (49), mentres que Cansadiños do coronavirus obtivo 30 e a terceira praza na votación popular. Todos eles recibirán 50 euros.
Os organizadores confían en que a próxima edición poida celebrarse de novo nas rúas, con música, cor e diversión
Na modalidade de tres ou máis integrantes, o premio único do xurado recaeu en Sempre sans, cuxos compoñentes se embolsa 150 euros e tamén os 100 que lle corresponde por ser o máis votado nas redes sociais (279).
No apartado adulto e mixto (individual ou parella), os membros do xurado elixiron a Don Quixote e Sancho Panza fan o Camiño de Santiago, polo que lle corresponden 150 euros, aos que suman outros 100 por ser o grupo máis votado (91). O segundo, con 61 votos, foi Invadidos polo Teletraballo
En adultos e mixto, con tres ou máis participantes, o xurado decidiu que o premio especial , cos 250 euros de asignación, lle corresponde a O entroido xa chegou, que tamén foi o máis apoiado polos veciños, con 388 votos, polo que suman outros 125 euros. O segundo galardón foi para Abba mix, e o terceiro corresponde a Barrigas bailonas. Para ambos está reservados 125 euros.
"Vaiamos pensando e traballando cara a edición que vén, para a que desexamos sexa como ten que ser: nas rúas, con moita cor, humor, música e diversión", pide o Concello de Sanxenxo.
