A actividade náutica é un recurso de primeira orde no turismo de Sanxenxo, un municipio acredita un amplo historial neste apartado desde hai varias décadas. No ano 2005 foi a sede do campamento basee da Volvo Ocean Race, un acontecemento que supuxo un antes e un despois na súa proxección internacional.
O calendario anual de competicións náuticas aprobado para o ano 2020 conta cunha decena de eventos. ás competicións que son habituais cada tempada sumarase o Campionato de Europa de Vela, categoría 6 metros, e en 2021 terá lugar o Mundial.
Sanxenxo dispón de dous portos deportivos que contan con máis 600 amarres e unha ría que reúne unhas condicións óptimas para a práctica da vela e doutros deportes náuticos en calquera época de ano. Esta afirmación foi realizada por Russell Coutts, campión olímpico e cinco veces gañador da Copa América, durante a súa visita con motivo dos preparativos da Volvo Ocean Race, recorda o Concello.
Estas infraestruturas tamén contan con distintivos como a bandeira azul e a Q de calidade e ofrecen os servizos de fabricación e reparación de embarcacións, formación e titulación, aluguer de barcos e escola de vela, ademais da práctica de calquera outra disciplina náutica.
O calendario de 2020 abrirase en marzo co Trofeo Princesa de Asturias (optimist) e a regata interclubs Ría de Pontevedra. En maio está programada a regata Hotel Carlos I Silgar, e en xuño o Paddle surf challenge.
O Giris Surf Day praia de A Lanzada e o Trofeo Princesa de Asturias de piragüismo son as citas previstas en agosto, mentres que no mes setembro disputaranse o Tríatlon Concello de Sanxenxo, o Campionato de Europa Motonáutica Endurence, a Regata Rei Juan Carlos I, Master O Corte ínguas, o Rock&Long praia de Montalvo Surf e o Campionato de Europa de Vela, categoría seis metros.
A programación anual finalizará en decembro coa proba A Lanzada Ocean Rice.
