As desastrosas consecuencias provocadas pola pandemia converte a edición de Fitur que se celebrará a próxima semana unha das "máis importantes da súa historia", subliña o Concello de Sanxenxo.
Este municipio non faltará á cita e a súa presenza será máis atractiva en anos anteriores, porque contará cun mostrador propio, e unha fotografía 3x2,50 metros na caseta de Galicia. A imaxe elixida é a da praia de Pragueira e o carreiro entre Montalvo e Punta Faxilda.
"Logo dun ano moi duro e escuro para a actividade turística, o Concello de Sanxenxo levará á feira unha foto moi luminosa, que transmite alegría e ilusión por empezar un novo camiño, a etapa post covid", argumenta a Administración local.
Como no ano 2020, tamén instalará dous tótems na entrada do pavillón de Galicia, con catro fotos e o slogan Sanxenxo 365 días diferentes. Unha invitación para visitar o municipio calquera mes do ano.
O Concello recorda que se trata do primeiro destino do norte de España no verán, sumando 700.000 pernoctaciones hostaleiras, e apunta que o seu obxectivo a medio prazo é crecer o resto do ano para alcanzar as 500.000 en tempada baixa, que actualmente rolda as 300.000, indica.
O primeiro reto que se propón para logralo é atraer visitantes galegos que poden coller o seu coche e chegar a Sanxenxo en pouco máis dunha hora calquera fin de semana do ano.
O Concello confía en que o verán case "normal", para dar paso a un "outono espectacular, porque os nosos visitantes habituais teñen gañas de volver gozar das súas praias, paisaxes e gastronomía":
Ás 26.000 prazas de hospedaxe con que conta o municipio súmanse os hoteis, apartamentos, cámpings e 11.000 segundas residencias.
Ás ganas dos visitantes hai que sumar a ilusión dos veciños por recuperar a actividade normal.
"Sanxenxo é coñecida polas súas praias e paisaxes, pero tamén pola hospitalidade, ou agarimo e a profesionalidade que se lles dispensan aos visitantes", afirma o alcalde, Telmo Martín.
