O borrador da Ordenanza de Convivencia Cidadá foi sido sometido a debate nunha Xunta de Portavoces celebrada este venres. Nesta reunión os portavoces achegaron as súas opinións sobre esta nova normativa que busca endurecer os comportamentos incívicos que ata agora tiñan unha sanción demasiado baixa a ollos do Goberno local.
Tras este debate, o Concello segue traballando na elaboración deste documento, tendo en conta agora as achegas da reunión.
LUMES ARTIFICALES
O PSdG-PSOE de Sanxenxo solicita ao Goberno local que se teña en conta a inclusión dun apartado que limite o uso de bombas de artificio. Con esta petición os socialistas buscan prohibir o uso destes en festas privadas e festas diúrnas, quedando exentos desta norma os fogos artificiais e espectáculos pirotécnicos polo seu carácter ludico-festivo.
Con esta medida buscan preservar o benestar dos colectivos especialmente sensibles aos ruídos.
PARTICIPACIÓN CIDADá
Neste momento a nova ordenanza atópase en fase de participación cidadá, é dicir, aberta á opinión pública. A portavoz socialista, Ainhoa Fervenza, afirma que "é ou momento idóneo para que vos interesados e interesadas poidan propoñer medidas que sexan tidas en conta para a elaboración do borrador".
