Un sentinazo dunha embarcación provocou unha vertedura que afecta a unha "pequena parte" da praia de Montalvo, en Sanxenxo. Así as cousas, o Concello informou este domingo de que ordenou que se sinalice e peche ao baño esa parte do areal "para salvagardar a seguridade sanitaria dos bañistas".
A zona afectada é a máis próxima a Paxariñas, mentres que o resto da praia está aberta ao baño "con total seguridade", segundo a administración local.
Tamén se comunicou á Asociación de Educación Ambiental e do Consumidor (Adeac) a baixada da bandeira azul ata que se supere a vertedura e se cumpran os parámetros normais da auga.
