Axentes da Garda Civil interceptaron este domingo en Vilanova de Arousa a un taxista que deu positivo en alcol e drogas. O condutor arroxou unha taxa de 0,74, cuadriplicando o permitido para profesionais, ao que sumou o positivo indiciario na detección de estupefacientes.
Unha patrulla de Tráfico detectou a un taxi conducindo de forma errática á altura do quilómetro 1,400 da estrada PO-307, que une a parroquia de Deiro coa Illa. Ao interceptar o vehículo, realizáronselle dúas probas de alcol, nas que ofreceu 0,74 e 0,73 miligramos por litro de aire expirado, así como a de drogas.
O vehículo quedou inmobilizado e o viaxeiro que transportaba continúo a viaxe noutro taxi, que o levou ata o seu destino na Illa de Arousa.