Un condutor tivo que ser trasladado despois de que se incendiase a parte traseira do seu vehículo en Vilagarcía de Arousa na noite do venres.
Ocorreu ao redor das 21.40 horas na rúa Souto. Un particular avisaba ao 112 Galicia de que tivera que sacar ao condutor do interior do coche despois de que empezase a arder.
O alertante aseguraba tamén que o condutor precisaba asistencia sanitaria. Por iso, o 112 informou a Urxencias Sanitarias de Galicia-061. Tamén foron avisados os bombeiros de Vilagarcía, a Policía Local e os membros do Servizo de Urxencias da localidade.
Posteriormente, os servizos sanitarios confirmaron o traslado do condutor ao Hospital do Salnés. Así mesmo, os Bombeiros, unha vez extinguido o lume, confirmaron que ardera a parte traseira do vehículo por completo.