Un home de 29 anos foi detido pola Policía Local da Illa de Arousa logo de escapar do hospital no que estaba internado e agredir a un policía, ao que lle deu unha puñada na cara cando se achegou para identificarlle. O incidente produciuse o día 26.
O Servizo 112 Galicia pediu a colaboración da Policía Local para axudar no traslado dun paciente con problemas psiquiátricos á ambulancia do 061 e poder derivalo ao Hospital do Salnés, en Vilagarcía.
Os responsables sanitarios solicitaron esta presenza policial porque consideraron que era necesario garantir a seguridade do persoal sanitario e do propio paciente. O home quedou ingresado no Hospital, pero horas máis tarde escapouse das instalacións, e sobre as 15.00 horas foi visto de novo na Illa de Arousa.
Detención. A Policía Local localizouno fumando nun banco situado na zona do Monte, e un dos axentes achegouse a dialogar con el para que accedese a subir á ambulancia e ser trasladado de novo ás instalacións sanitarias onde se atopaba.
Foi entón cando o mozo lle pegou a puñada ao policía que, xunto co seu compañeiro, víronse obrigados a reducilo e detelo como autor dun delito de atentado a axente da autoridade e outro de lesións. Tras o seu arresto, foi trasladado de novo ao Hospital do Salnés.
