Veciños da avenida de León puxeron en coñecemento da Policía Local de Sanxenxo unha serie de actos vandálicos que levaron a cabo durante o pasado fin de semana. Segundo denuncian algúns residentes, un grupo de descoñecidos dedicáronse durante a madrugada do venres 16 ao sábado 17 a causar danos en varios vehículos estacionados neste bulevar. Os afectados calculan que hai máis dunha decena de turismos afectados. Os vándalos arrincaron varios espellos retrovisores, deixándoos totalmente inservivibles.
Este feito causou un profundo malestar entre os veciños e veraneantes que residen en lugares como as inmediacións da praia da Carabuxeira. Unha afectada advirte de que nas últimas semanas varios grupos de mozos celebran botellóns clandestinos nas inmediacións (cabe recordar que esta práctica está prohibida polo Concello, a través dunha ordenanza municipal).
Así as cousas, os afectados esixen unha maior presenza de patrullas da Policía Local ou da Garda Civil durante as noites na avenida de León.
