Os efectivos de Urxencias Sanitarias 061 atenderon a unha muller, veciña de Sanxenxo, que resultou intoxicada por inhalación de fume tras incendiarse a cociña da súa vivenda.
O incidente, segundo informa o CIAE 112 Galicia, tivo lugar ás 13.30 horas deste mércores na rúa Independencia de Adina da localidade pontevedresa.
Ata alí desprazáronse efetivos do 061 e unha dotación dos bombeiros do Salnés, que sufocaron as chamas dun incendio provocado por unha tixola deixada ao lume e que provocou danos nos mobles da cociña.