martes. 18.02.2020 |
El tiempo
martes. 18.02.2020
El tiempo

Vilagarcía destinou 88.278 quilos de roupa usada ao proxecto de reutilización

A recollida realízase en colectores instalados en varios lugares.
A recollida realízase en colectores instalados en varios lugares.
O programa promovido por Cáritas xera empregos mediante un proceso de restauración das pezas e a súa posterior venda

A colaboración que presta o Concello de Vilagarcía a Cáritas desde 2016 para o desenvolvemento do proxecto socio laboral Arroupa permitiu a esta organización solicitar durante o ano 2019 88.278 quilos de roupa usada para utilizar como materia prima nun programa que fomenta o emprego de persoas en risco de exclusión social.

A participación da Administración local fai posible que Cáritas poida contar de forma permanente con 16 colectores destinados á recollida de roupa libres polas que non paga as taxas de ocupación de chan público. A estes puntos, distribuídos por todo o municipio, súmanse dous instalados á beira da igrexa.

No exercicio anterior foron recollidas case cinco toneladas máis que o ano 2018. A evolución da materia prima experimenta un incremento constante dende a posta en marcha deste servizo, circunstancia que pon de manifesto a solidariedade dos vilagarciáns, subliña o Concello.

Os puntos de recollida máis produtivos en 2019 foron de novo os situados na Praza da Constitución, con 10.680,5 quilos de pezas usadas, seguido do Piñeiriño, 9.232,5. No colector de Carril o rexistro é de 5.216,5, no situado en Matosinhos (5.143,5) e no da Avenida das Carolinas (5.061).

A continuación figuran os de Vilaxoán (4.966,50 quilos), Rúa Coca (4.951,50), Rúa San José (4.727,50), López Ballesteros (4.639,50), Sobradelo (3.945,50), Avenida da Mariña (3.814,50), Fontecarmoa (2.754), Sobradelo (2.282), Trabanca Badiña (2.197), igrexa de Rubiáns (2.011,50) e Rúa do Porto (1.191).

A estas cantidades hai que engadir as pezas depositadas no colector da igrexa de Santa Baia (10.938,50 quilos) e os doados ao roupeiro (3.805).

O funcionamento do proxecto Arroupa baséase na recollida da roupa e o seu posterior acondicionamento para pór despois á venda, un labor que se realiza en tendas, que tamén están xestionadas a través da sociedade articulada para levar acabo esta iniciativa. Aquelas que están máis usada ou pasadas de moda e non teñen saída comercial, son destinadas por Cáritas a países en vías de desenvolvemento.

Vilagarcía destinou 88.278 quilos de roupa usada ao proxecto de...
Comentarios