O Concello de Vilagarcía puxo en marcha unha oficina municipal de formación e atención dixital. Este servizo, emprazado kiosko situado na Praza Arcebispo Lago, está destinado tanto a realizar trámites telemáticos aos veciños que non teñan medios dixitais ou non estean habituados a utilizalos, como a asesorar e formar aos que teñan dúbidas e atópense con algún problema á hora de realizar unha xestión online.
Empezou a funcionar o día 2, e ampliarase o servizo cun día á semana de atención en Carril a partir do mes de setembro e outro en Vilaxoán, a partir de outubro.
A súa creación enmárcase no Plan de Promoción e Recuperación Económica Vilagarcía 20/21, deseñado pola Concellería que dirixe Alba Briones. En concreto, a medida figura no apartado de Participación e gobernanza, e finánciase cos fondos europeos das estratexias DUSI.
A oficina está atendida por unha persoa que se encarga de realizar os trámites que lle soliciten os cidadáns, ofrecerlles información, asesoramento e resolver as dúbidas sobre como facelos desde os seus domicilios
A súa finalidade é reducir a fenda dixital que existe entre determinados colectivos da sociedade, pondo á súa disposición a formación e os medios para acceder á administración electrónica en igualdade de condicións co resto da poboación, e poder realizar todos os trámites online que precisen. Con este propósito, tamén se descentraliza, levándoo a Carril e Vilaxoán.
A oficina está atendida por unha persoa que se encarga de realizar os trámites que lle soliciten os cidadáns, ofrecerlles información, asesoramento e resolver as dúbidas sobre como facelos desde os seus domicilios e dispositivos; e tamén de proporcionarlles a formación necesaria para que poidan desenvolverse de forma autónoma.
Os cidadáns poden dirixirse á oficina para realizar calquera tipo de trámite, xa sexa referente ás relacións coas administracións públicas como no ámbito privado e de lecer (adquirir unha entrada para o cine, reservar praza para os concertos, entre outros).
O servizo funciona de luns a venres, de 10.00 a 13.00 horas. Os usuarios poden dirixirse ao kiosko. Se a demanda o esixe, para evitar aglomeracións estableceríase a cita previa a través do teléfono 627 366 013.
A demanda maioritaria céntrase en actividades de carácter lúdico, pero a súa temática cambiará moi pronto, explicaron, coa proximidade do inicio do curso escolar, que centrará as peticións de axuda en aspectos como a demanda de prazas ou axudas, entre outros.
Adaptarse á demanda é o motivo polo que estea prevista a apertura deste servizo durante o horario de tarde tamén, indicou Alba Briones, que se mostrou moi satisfeita da resposta que esta obtendo.
