Cun formato adaptado ás circunstancias da pandemia que unicamente permitirá a asistencia presencial de 60 persoas regresa a O Grove o Foro dos Recursos Mariños e da Acuicultura das Rías Galegas (Foroacui), que tras a súa suspensión o ano pasado, cumpre o seu vixésimo terceira edición.
Celebrarase o días 7 e 8 de outubro no auditorio do Pescanova Biomarine Center, novo centro de I+D+i en acuicultura de Nova Pescanova, e por primeira vez todas as conferencias poderanse seguir online para que ninguén quede excluído dun evento que é referencia nacional na divulgación das novas iniciativas en pesca, marisqueo e acuicultura.
O programa da primeira xornada estará dividido en catro mesas de traballo: Marisqueo e Pesca de baixura, Acuicultura, Empresa e os Recursos, e unha especial dedicada ás actividades de ANFACO-CECOPESCA (Asociación Nacional de Fabricantes de Conserva), cuxo secretario xeral, Juan Manuel Vieites, será o encargado de abrir o foro cunha conferencia inaugural.
Abordaranse asuntos como a explotación de recursos novos, os avances no cultivo do salmón ou o linguado, o uso de moluscos para a recuperación ambiental do Mar Menor ou a repoboación de bancos naturais de ourizos en parte da costa galega.
A xornada finalizará coa mesa redonda do XXXIII Cultivando o
A segunda xornada, patrocinada pola Consellería do Mar da Xunta de Galicia, centrarase en Eficiencia Enerxética e Medio Ambiente dentro da Acuicultura, o cal será abordado en dúas mesas de traballo: Eficiencia enerxética na acuicultura e Medio ambiente e acuicultura.
Tratarase a importancia de uso de novas tecnoloxías para mellorar a eficiencia enerxética das industrias, da importancia da análise dos consumos enerxéticos, de novos proxectos sobre acuicultura sostible e economía circular na explotación do mexillón ou sobre geolocalización de espazos para a acuicultura.