Celme festexa 30 anos

"Seguimos coa mesma ilusión que o primeiro día", di Enrique Domínguez, presidente da agrupación folclórica Celme de Pontevedra. Aínda que o colectivo o que está a celebrar é o seu 30º aniversario. "Celme naceu no mes de outubro de 1984, cando eu, a miña muller e unha amiga, que traballaramos no tema do folclore e a tradición na Sección Feminina, decidimos empezar a dar clases de baile os sábados pola mañá", explica. "Naquel momento existía unha demanda importante destes temas e moi pouca oferta".