PONTEVEDRA. A Policía Local de Pontevedra logrou evitar que un presunto camelo vendese sustancias estupefacientes nunha festa de Fin de Ano na cidade. Os axentes, que se atopaban de patrulla nas inmediacións da rúa Ramón Cabanillas, apreciaron a presenza de dúas persoas sospeitosas (coñecidas por eles pola súa relación con feitos anteriores relacionados co trapicheo) e, tras observalas detidamente, decidiron perseguilas e interceptalas.
Os feitos tiveron lugar sobre as 18.30 horas do luns. Os funcionarios municipais viron aos citados individuos no interior dun vehículo, e comprobaron como un deles entregáballe ao outro un paquete sospeitoso, ao parecer dun medicamento, a cambio de algo (que resultaría ser diñeiro).
Comprador e vendedor saíron co seu automóbil cara ao centro da cidade e, nun momento dado, á altura da rotonda que une Loureiro Crespo con 12 de Novembro, o vehículo detívose de forma brusca para que se apease a persoa que, presuntamente, acababa de adquirir as drogas que portaba.
