"Non hai verán, hai obras". Díxoo este o edil de Coordinación do Rural, Alberto Oubiña, que ofreceu unha rolda de prensa xunto ao concelleiro de Obras, Demetrio Gómez. E é que a Comisión de Mobilidade estreou este martes o mandato facendo balance das obras que actualmente están en execución. Desta forma, o responsable de Mobilidade deu conta dos avances nas diferentes obras, que suman ata 16 en todo o termo municipal por un valor de 13,5 millóns de euros.
"Trátase dun orzamento moi alto, o que implica tamén un volume de traballo elevado", explicó Gómez Junquera. Del mismo modo, el edil felicitó a todo el equipo que permite "ter a máquina traballando coordinadamente, como un reloxo" para levar a cabo as obras.
Deste xeito, só no centro urbano da cidade están a acometerse melloras por valor de 7,5 millóns de euros. Unha das que entran neste paquete de obras é a do Centro Social do Burgo, do que só falta terminar as actuacións na parte exterior do edificio. Outro inmoble, o adquirido polo Concello na rúa Ferreiros para albergar oficinas municipais, empezaba a súa remodelación esta mesma semana e prevese que as obras estean terminadas en xaneiro.
Por outra banda, as reformas en rúas e barrios levan a cabo en zonas como O Burgo, O Gorgullón ou Lepanto. No primeiro caso, a ponte do Burgo permanece cortada ao tránsito, tanto peonil como rodado, mentres continúan os traballos de humanización da contorna. O edil de Obras indicou que a vía podería reabrirse ao paso de peóns en cuestión de dous meses e medio.
Ademais, na rúa do Gorgullón, os operarios xa terminaron os traballos baixo terra e nestes días procederase á súa pavimentación. No mesmo punto está a rúa Lepanto: "Xa pronto se poderá ver como estas obras collen forma", anunciaba Gómez.
As outras tres grandes obras en execución actualmente no centro urbano son a reforma de Echegaray, a rúa Rouco e a rúa Porta Grande.
O edil de Coordinación do Rural falou tamén sobre os traballos que se están levando a cabo nas parroquias do municipio, o que supón para as arcas municipais un investimento de seis millóns de euros. "A maior parte das intervencións son para o calmado do tráfico e para o saneamento", indicaba Oubiña.
Unha das intervencións que están a piques de terminarse é a do acceso ao Xistro desde Ruibal. "Só falta a ampliación das beirarrúas", aclarou Oubiña, que indicou que as obras teñen un custo de 250.000 euros. Ademais, continúan os traballos na contorna do CEIP Vilaverde Mourente para o acougado do tráfico. "Non quedan coles en Pontevedra sen unha actuación de calmado no seu arredor, agás o de Xeve, onde a estrada depende da Xunta", explicaba.
Ademais, no lugar de Peralba (Marcón) está a terminarse a conexión de saneamento para proceder á mellora do firme, así como a realizar as conexións pluviais. De Rial a Rorís e na Meán (Lourizán) acometerase unha actuación que "afecta a unha zona moi desfavorecida e con moitas complicacións porque hai viais moi estreitos, sen beirarrúas, e que esixe solucións moi precisas para adaptalas aos estándares de calidade".
Na parroquia de Lérez están a levarse a cabo medidas de acougado de tráfico, ademais do saneamento en núcleos como Ramallás. Hai tamén obras deste tipo en Verducido e en Campañó e está previsto iniciar as segundas fases de saneamento noutros tantos puntos rurais nos próximos meses.
