A aparición de novos delitos, como o caso do grooming, provocou cambios lexislativos en España. Este xornal desvelaba nun informe publicado en 2012 da existencia dunha cifra negra de menores de entre 13 e 18 anos que estaban a ser obxecto de prácticas como as que agora desencadearon a operación Néboa. O motivo era que, ata a última reforma do Código Penal (2015), os adultos que levaban a cabo este delito, aínda cando concluíse en contacto físico directo, carecía de reproche penal algún.
ACTUAIS PENAS. Desde a citada reforma, o artigo 183 do Código Penal contempla penas de entre un e tres anos de cárcere, ademais de multas, para as persoas que "embauquen" a menores de 16 anos para que lles envíen material sexual explícito (en forma de imaxes). Penas similares imponse aos que, por esta vía, propoñen aos menores manter relacións en persoa.