Adif Alta Velocidade adxudicou á unión temporal de empresas formada por Lantania e Construcciones Instalación e Tracción a subministración dos equipos necesarios para a posta en servizo da subestación eléctrica de tracción de Tomeza —dotación que se localiza na parroquia de Bértola, en Vilaboa)en Bértola, Vilaboa, que alimentará o eixo ferroviario entre A Coruña e Vigo.
O importe do contrato ascende a 6 millóns de euros, impostos incluídos, destinados a equipar a instalación existente. Esta funciona actualmente como centro de autotransformación intermedio e converterase en subestación eléctrica de tracción, segundo informa Lantania. As obras de acondicionamento teñen un prazo de execución de 12 meses.
O reequipamiento necesario da subestación de Tomeza inclúe elementos como seccionadores e interruptores, transformadores, autoválvulas, cableado, elementos de telemando e unidades de protección e control, así como a liña de alta tensión de conexión con Rede Eléctrica de España e as probas pertinentes.
O eixo atlántico de alta velocidade, ao que prestará servizo a subestación de Tomeza, foi inaugurado en abril de 2015, ten 155,6 quilómetros e reduce en 21,8 a lonxitude da anterior conexión.