Veciños e usuarios do viario que une as estradas de Santiago e Vilagarcía, en San Caetano, alzaron a voz para alertar do grave perigo que supón un poste de cemento de Telefónica que se atopa suxeito unicamente polos cables e ameaza con esborrallarse en calquera momento, co consecuente risco para transeúntes e condutores.
A base da estrutura quedou esnaquizada tras recibir o impacto dun vehículo a principios de agosto, e desde entón, máis dun mes despois, nin a empresa propietaria nin as administracións moveron ficha para reparala, o que indigna aos residentes.
"Por aí debaixo pasan cada día centos de peregrinos e de coches. Deben estar a esperar a que ocorra unha desgraza para despois buscar culpables", reprochan.
